كيف تسوي شوي العيد ؟
كيف تسوي شوي العيد ؟
السلام عليكم ورحمة الله وبركاته
شو الشي المميز فعيد الأضحى عندكم ؟؟؟…
نحن عندنا نسوي شوي……
اللي هو طبعا لحم مشوي لكن ينشوى فالتنور……. >>> حفرة فالأرض.
————————————————————
اليوم بيشرحلكم الشيف راشد كيف يسوون الشوي…..
مرحباااااااااااااابكم…
طبعا فالبداية نذبح الذبيحة ونصلخها J …
وعقب نيب لحمها الطازج …
ننظف اللحم زيييييييييييييين ما زين … ونغسله مليون مرة J J J
ونكون مجهزين خلطة خاصة عشان نبهر بها اللحم ……..
. 
تختلف طرية الخلطة من مكان لمكان ……..
بعضهم يحطون فيها من كل البهارات والنكهات بالإضافة إلى الثوم والسح ( التمر) ….
. والبعض يستغنون عن الثوم …… وبعضهم ما يسوون سح…… وجي من مكان لمكان …
نبهر اللحم زيييييييييييييييييييييييييييييييييييييييييييين …….
لو يشوفني الحين ابوي وانا ابهر اللحم >>>>>>>>>> احم احم بيعصب علي بيقولي شو تبا الطبخ ويومه L ……..
وعقب نشله مزرعة أبوي العود( يدي) …. ونكون مسوين تنور ( حفرة فالأرض وفيها يمر – جمر ) ……
نلف اللحم بالشوع و ورق الموز و نحطه كله فالخصف ( الخصف عبارة عن يونيه من سعف النخيل)……
نحط الخصف فالتنور ونبند التنور ……..
هذا كان فأول يوم فالعيد…………..
——-———-
فاليوم الثاني……
يشلني أبوي مزرعة أبوي العود……….
عشان نطلع الشوي 
أخيـــــــــــــــــــــــــــرا بتهنى باللحم وما بعطي أخوي الصغير …..
__
من عقب ما كمل اللحم أكثر من نص يوم فالتنور……
(نحن نخليه يوم كامل تقريبا) نروح ونطلعه…….
وهنا وعااااااااااااافيه ع قلوبكم
وسمحولي نسيت اصور اللحم فالنهاية J
يم يم يميييييييييييييييييييييييييييييييييييييييييييي
Filed under: عام
اوووووووووه
للاسف طلع الموضوع مب مرتب عدل
السموحة
الشوى وما أدراك ما الشوى
والله ما يدري بطعمه ولذته إلا اللي ذاقه ، مهما وصفناه للناس
أعتقد لو جعلتم الصور تحت الكلام وليس في نفس السطر معه لكان أفضل
السلا م .
موضوع جميل وجاي بوقته . طريقه حلوه لعمل مشوي العيد وبصراحه مانا اقرا الطريقه لاحظت طول مدة الشوي وبقاؤه على الجمر او النار وحقيقه من عنده صبر يصبر على رائحة الشواء . ما اظني اقدر اصبر بالكاد اصبر ساعه حتى لو ما نضج راح آكله بالعافيه علي وعليكم .
هههههههه
والله وايد حلو عيبني وااااااايد
والشيف رسود طباخ طلع وانا مادري
خلاص باخذ موعد من معه عشان يطبخ لي
اقصد رشود
لاتزعل
السموحة
تراه بس خطأ مطبعي
هههههه
هههههههههه
افا عليج تعالي بس ساليه عن الشيف اسامه !!!
وساليه كيف يسوون محشي ورق العنب ….. !!!
وشوفي الرد ……
يعطيك العافية بس انا هالايام ماشي على نظام حمية ما اقدر حتى اشوف الاكل وشكرا لك