أسبوع متعب !
أسبوع متعب !
من بداية الاسبوع وكله مشاكل 
اول يوم
سوتلنا المديرة اجتماع والسبب ان مستوى الطالبات التحصيلي متدني بعض الشيء…..
وعندي أنا أكبر نسبة رسوب !!!
وسوتلي محاضرة طويلة وعريضة … وتحقيق ما ينتهي !!!
: : شو اسوي يعني بالبنات اللي ما يشاركن وامتحاناتهن زفته ؟!؟!؟! ::
وشي ثاني
فقدت انســــــــــــــــــان غااااااااااااااااااااااااااااااااااااااااااااالي للاسف …
ليته يرجع …. بس ما اظن
———
اليوم الثاني
راعي العمارة اللي اسكن فيها بروحه سالفته سالفه
ونذالته ما تخلص موووووول
سوالنا سالفه طويــــــــــــله عريضه …
———
اليوم الثالث
يتني ام بنيه تشتكي علي ليش مرسبه بنتها !!!
عطيتها درجات بنتها وسكتت !!!
عقب سوتلي المديرة سالفه …
ليش عندج بنات راسبات؟؟؟
وكيف ناويةى ترفعين من مستواهن ؟؟؟
و
الخ
———
اليوم الرابع
قالت لي الاخصائية انها ضيعت اوراق مهمة من ملفي !!!
ضيعت اوراق طلب النقل من المدرسة…
قلت لها ما عليه بسوي غيرها
ولازم اسوي الاستمارة واطلب نقل بالنت و عقب اطبعها وتختمها المدرسة وترسل للمديرية ……
سرت ودشيت النت ولقيت موقع التربية حاط اعلان ان موعد طلب النقل انتهى !!!!!!!
يعني ما اروم اسوي الاستمارة بالنت…..
وعندنا تقديم طلب النقل بالاوراق اللي مب من موقع التربية ما تنقبل ….. !!
——-
اليوم الخامس
وصلت المدرسة فوقت الطابور …
انا وربيعتي خلينا اغراضنا فغرفة الاخصائية ورحنا بنوقف للطابور…
كان وقت تحية العلم !!!
مشينا و
وو
وو
وقفتنا المديرة جدام كل المعلمات والطالبات !!!
( والله فشله)
وعقب الاذاعة المدرسية قامت المديرة وسوت لنا محاضرة بعنوان ( قدسية العلم والوطنية 
) !!!!!!!!!!!!!!!!!!!!!!!!
فشلتنا
مع ان والله كنا يايين بنوقف ما بنتمشى…
—–
وأقول أن الحياة بلا مشاكل مالها أي طعم
Filed under: من هنا وهناك
أعانك الله اختي ابنة الإسلام..
بالفعل اسبوع متعب..
إن شاء الله يكون الاسبوع القادم أفضل..
من جد اسبوع كله تعب
وحظ سيء جدا ،
دائم الامور تصير كذا كل المصايب
وجع الرأس يجيون مع بعض ما يتركون لك
لحظه تأخذين فيها نفس ،
الله يكون بعونك
روقي بالك وان شاء الله تفرج
الله ورطة يوم حد ينسى يكتب اسمه
كتبت تعليق بدون ما اكتب اسمي والحين لازم اكتبه مرة ثانية
هههههههه
هذا اكيد كله من كثر الضحك على مواقفج
فرحت وبعدين حزنت
هههه
المهم الله يعينج مع البنات بروحن سالفة ماتنتهي
بس اللي احزني
هالانسان الغالي اللي فقدته
الله يعينج
ترا الحياة ماتسوى بدون اصحاب
مرحبا ابنة الاسلام
ماعليش تحملي ..
اي شيء تواجهينه بعملك
احسن من تكون حياتك بلا هدف
الضغوطات شي طبيعي
بكل مجال ..
موفقه ان شاء الله ^^
كثيرا ما نواجه المتاعب، قد تكون امورا يومية لا تخلوا الحياة منها، علينا التعايش معها كثيرا
!
عانج الرحمن اختيه ع كل شيء
لو انا منج لمط كشش البنات كخخخخخخخخخخخخخخ
وابرد حرتي فيهن كخخخخخخخخخخ
أيوب: كان افضل بشوي والحمدلله
أنين:
صدقتي تجي فجاة وتروح فجاة
هيج العواصف: ماعليج تضحكين علي
عيل ازيدج كان عندنا تكريم للمعلمات ……. والمدير العام هو اللي يكرمنا …. رفضت اطلع اخذ شهادتي والهدية
ladyashe: الضغوطات شيء طبيعي ….. لكنهم ما يحسون
عابر سبيل: اكيد تنعايش وياها ……. والحمدلله انا من النوع اللي ما يستسلم ……. ( غالبا يعني)
شورنه: رايج يعني
ههههههه
بس انا حتى ما كلمت البنت
اعتبرت كل شي عااااااااااادي
لاني اساسا مسويه برنامج خاص للضعيفات عندي
السلا م .
اختي إبنة ألإسلام هكذا هي الدنيا بلا مشاكل لا طعم لها .
والحمد لله انها مشاكل اعتبرها بسيطه وتقدرين بحكمتك تحلينها .
من ناحية النقل الله يكتب لك اللي فيه الخير .
الله يعينكم على صاحب العماره ترى كل اصحاب العقار مملين كثير .
الله يرد غاليك .
تحياتي .
الله يعين
لكنه نـــــــــــــــــــــــــــــــــــــــــذذذذذذذذذذذذذذذذذذذذذذذذذذذذذذذل