امي العودة والتكنولوجيا
امي العودة والتكنولوجيا
مرحــــــــــــــــــــــــــــبا الساع
يحكي انه في قديم الزمان كانت هناك فتاة تحب العمل والمساعدة، الا وهي امي العودة - بين قوسين جدتي 
–
عاد بخبركم عنها
البطاقة الشخصية:
الاسم: امي العودة
العمر: 60 الله يطول بعمرها
الوظيفة: اشرف مهنة للمرأة
في شبابها كانت تجمعنا حواليها وتحكيلنا احلى القصص
كنت احفظ قصصها وارددهن …
ومن فترة بسيطة خليتها تحكيلي القصص اللي كانت تحكيهن ونحن اطفال وسجلتها بتلفوني…
- كانت امي العودة تدرس فالمدرسة ووصلت للصف الثالث الاعدادي لكنها رسبت فيه 3 سنوات بسبب الانجليزي وما كملت…
- كانت تشتري مسطرة فيها احرف الانجليزي عشان تغش فالامتحان !!! بس ما نفع ههههههههه
- من مدة 5 سنوات تقريبا كانت تيي عندنا وتطلب منا نكتب لها مواضيع واحاديث بالكمبيوتر طبعا – لانها ما تحب خط اليد – ملت منه – وكانت تييب وياها فلوبي عشان نخزن لها عليه !!!
- في مرة كانت عندنا ريح قويـــــــــــــــــــــــــة وشلت وياها الدش !!! طبعا امي العودة احتشرت وتمت متبهدلة تبا قناة المجد والشارجة والسعودية عشان تشوف الصلوات وخاااااااااااصة عشان تسمع خطبة اليمعه (الجمعه) في الحرم !!! وعـــــــــــــــاد تعالي يا فلانه وبرمجيلي الريسيفر
- هيه صح ما تبا تتحرك وتقلب القنوات يدوي ….. لاااااااااااااااااازم بالريموت !
- اما قصصها ويا التلفون ما تخلص….. كل مرة جهاز يديد….. تبدل تلفوناتها اكثر منا نحن ! وطبعا مثل باقي الاهل والناس ف منطقتنا عندها تلفونين بسبب توفر شبكتين – بمعنى اصح 4 شبكات -
- من كم سنة كان تلفونها بدون بلوتوث … واول ما طلعت اجهزة البلوتوث احتشرت تريد بلوتوث سالناها ليش؟؟؟؟؟
قالت اريد بناتي يطرشلي اناشيد وادعيه وصور …..
واريد سماعة بلوتوث عشان يوم اكون فالسيارة ما يحتاي اخلي التلفون فيدي !!!
- يتني من فترة وطلبت مني اضبط لها نغمة رنين للمتصلين… طلبت نشيد… ضبطتلها النغمة ويتني فالاسبوع اللي عقبه غيريلي اياها … سالتها ليش؟؟ قالت خلاص كل اسبوع نغمة !!!
- ويتني بعد مرة غيريلي ما اريد اللي يتصل بي يسمع نشيد ابا دعاء…. ولا تختارينه بروحج .. خليني اسمعهن وانا بختار!!
من عيوووووووووووووووني … سمعتها واختارت اللي بغته … وبعدين طلبت مني اضبط لها نشيد خاص لكل وحدة من بناتها (عماتي) عشان تعرف منو اللي تتصل منهن!
- اليوم يتني وقالت لي ليش النغمة اللي حاطتلي اياها اول شي تعطي رنه وعقب يبدا الدعاء!!! انا ما اريدها بهالاسلوب !!! سالتها وانتي شدراج بهالشي؟؟ قالت ع بالج انا غبية و ما ادري؟!؟!؟! قلت لها : حااااااشاج من الغباء
( وكانه هو بكيفي )
- اليوم بعد تقولنا تبي اطرش صور بالايميل ! ومرات تقولنا طلعولي مواضيع من النت!!
وهذا شي بسيـــــــــــــــــط من حكايا امي العودة
مارس 21, 2008 عند 11:26 م
الله يحفظها وطول بعمرها يارب..
سلمي عليها امانه ..
مارس 22, 2008 عند 7:06 ص
هههههههههه ماشاء الله تبارك الرحمن…
شيئان يجذبانني في هذه الحياة….. الأطفال والمسنين
فكم تمنيت حقا بوجود جدة حقيقية في بيتنا مثل جدتك اللطيفة والذكية يا بنت الإسلام ههههه ^_^ ……(متطورة ماشاء الله عليها)
الحمدلله على كل حال
مارس 22, 2008 عند 10:27 ص
بسمه: ان شااااء الله
نور الغد: منوره اختي
وعادي بعزمج عندنا تستانسين ويا امي العودة ……
اما عن متطورة….. تراها ما ترضى بالقليل بعد
مارس 23, 2008 عند 12:29 ص
ماشالله عليها يدتج تحب التكنولوجيا
بس انا اقول دامج مدرسة انجليزي ليش ماتدرسينها واتخلينها اترد تدرس مرة ثانية ؟؟؟؟ عسب نفرح بتخرييجها لوووول
ما بقول لج عن ا مج العووده غير ان
عند العيااايز كل شي ياااايز لوووووووول
لاتقوليلها قلنا عنها جي عن اتطرشلنا بلوتوث فيرووس لوووول
تحياتي لج وللوالده العوده لووووول
مارس 23, 2008 عند 12:34 ص
وشي ثاني
خبرتوها عن تلفووونات الجييل الثالث بو كيييمرتين؟؟؟
عسب اتجوفكم وهي ترمسكم لووول يعني صوت وصورة لول
الله يخليها ،،، حبيتها لول
مارس 24, 2008 عند 8:22 ص
مرحبا
ليش ردودي ما ظهرت؟
مارس 25, 2008 عند 6:03 م
وينج ؟؟
غيبتج مرت فترة طووووويلة مانزلتي شي
هههههه
واااااااايد حلوة هالسوالف
هههههه
بقول لاختج تعزمني وتعزم يديتج بس عشان اسمع سوالفها
اصلا هي كانت تخبرني عنها وعن سوالفها ويا النت
هههههه
بس عجيبة هاليدة عنج
ما احيد الكبار يحبوا التكنولوجيا كثر مايحبوا التمسك بالجديم
وعاداتهم
الله يحفظها
مارس 25, 2008 عند 9:08 م
ربي يخليها لكم ويطول بعمرها
قصه كل اسبوع نغمة رهيبة
ماشاء الله عليها جدتك تفهم بالتكنولوجيا
ربي يسعدها ويسعدكم ان شاء الله
مارس 26, 2008 عند 2:05 ص
السلا م على إبنة ألإسلا م .
ما شاء الله على جدتك حضاريه بالمره عقليتها عقلية شبااااااب .
الله يحفظها لكم .
لا تنسون ترسلون لها رسايل وبلوتوث .
موضوعك شيق يا اختي .
تحياتي .
مارس 27, 2008 عند 5:24 م
سالم الامارات :
تعرف عن كل شي … ما يغيب عنها لا تلفون يديد ولا غيره ……
ومشكور ع الزياة الحلوة …
الردود ما كانت تظهر لان ما جيكت ع المدونة الا اليوم … والسموحه …
هيج العواصف:
هلااااااااابج وتعالي عندنا وبعزمها ويانا …..
Layeashe:
تسلمين …….. مادري اذا بتييني باجر وبتطلب نغمه يديده !!
STAR:
والله انا نرسل لها